دي طنط ام نجلاء
وام دلال سابقا في أعمال اخري
كلها مسميات يا جماعه المهم بصحيح هو أن الأم
اللي هي مدرسه وست مهمه في حياه ولادها اولا وفي المجتمع ثانيا
قررت بمنتهي الاريحيه انها تنكر نسبها لبنتها وتسيبها تواجه مصيرها المظلم
اللي هو غالبا هينتهي نهايه من اتنين
اما السج…..ن أو الضياع والضياع هنا مفهومه الدخول في سكه ضلمه آخرها معروف طبعا
وتعالي نحلل سلوك الام في الحالتين
الام في حاله دلال كانت عارفه أن بنتها بتعمل حاجات غلط تقدر تجيب بيها فلوس وقررت انها تغمض عينيها
لما البنت اتحبست قررت تتخلي عنها وتنكر أنها بنتها اصلا
مش عارفه ازاي اصلا قدرت تعمل كدا ؟
طب فين غريزه الامومه ؟
طب فين الحب الفطري ؟
يالا مش مهم
المهم بقي أنها بعد ماخرجت من محبسها كملت في السكه اللي متعرفش غيرها
واللي خلتها تجيب فلوس وتكمل صرف علي خواتها ومامتها
ورغم إنكار الام أنها بنتها فوق اهو 
الا وأنها وافقت تفضل تصرف عليهم وتدخل بناتها التانيبن جامعات خاصه
وتوفر نفقاتهم من فلوس المعيشه
والمصدر كان البنت المغضوب عليها في السر اللي متشرفش
يعني منتهي التناقض
يعني اللي أفهمه يا اما ترفضي رفض قاطع يا اما تنصحيها ترجع من اللي هي فيه
لكن تاخدي فلوسهاااااا؟
وتحويلها إلي شبح مش مسموح ذكر اسمه اصلا ؟
دا تناقض وظلم ازدواجيه معايير بشكل فج وغير مبرر
أما في حاله نجلاء
نفس الموضوع بالظبط ولا حاجه زادت ولا حاجه قلت
بس اللي اختلف أن نجلاء بتصرف علي عيله بالكامل
حتي جوز اختها اخد نصيبه هو كمان في الصرف عليه
وبرده بدل ماندعم ونقوم ونقول لاء انتي مش مضطره أو حتي نتكلم بحب ورحمه
الام قررت انها تجلد فيهاااااا بدون رحمه رغم أنها قابله المشهد بالكامل بس لما عرفت أن بنتها عرفت
اتحولت لجلاده بشر من الطراز الأول
الغلط ملوش مبرر
بس كمان الأمهات مينفعش تدفن رأسها في الرمله وترجع تعمل نفسها مصدومه من اللي بيحصل
الأمهات دورها حب وعنايه واحتواء ورحمه
ونصيحه وبحث ورا ولادهم
ياتري ايه اللي مخبيينه
وياتري ايه اللي بيعملوا وخايفيين يحكوه؟
صلوا علاقتكوا ببناتكوا هتلاقيهم حكوا واتكلموا واتصلح حالهم
الأمهات مدرسه
والمدرسة فيها التربيه
قبل التعليم
لأن شتان مابين
التربيه
والرعاية
