دي طنط مامت ليلي اللي للاسف اتق….تلت ومن غير مانعرف الي الان مين عمل كدا وللاسف برده جوزها برا وعايش حياته بمساعده أخته كاميليا حبيبه قلبي 🐍🐍
اسمها ايه ؟ مش مهم اوي اسمها
اومال ايه المهم يا شاهنده ؟
المهم أن زمان كدا
زمان اووووي كان في عاده دق الهون عارفينها؟
بتاعت اسمع كلام امك وماسمعش كلام ابوك
اهو أنا جايه النهارده اقولك اسمع كلام اهلك ابوك وامك الاتنين سوا عارف ليه ؟
لأن الست الطيبه دي طول المسلسل مش عاجبها اللي بيحصل
مش راضيه عن صداقه ولد وبنت وبتحذر بنتها من عبد الرحمن او بيبو
طول المسلسل مش عاجبها تشجيع سلمي لأختها وأنها شايفه أن دا كله عادي وايه يعني مادام أن بابليك ونو فيلنج سو وات يعني
طول المسلسل عماله تقول مينفعش يبقي شكل العلاقه كدا ..يا ناس عيب
يا ناس مايصحش ..يا حبيبتي غلط ..كخ يا ماما
بس للاسف البنت كانت من نضافتها وسذاجتها شايفه أن عادي الدنيا تمشي طبيعيه مادام أنا اصلا مش حاسه تجاهه بمشاعر
طب لو هو اللي حس بمشاعر يا لولا نعمل ايه ؟
ولا حاجه يعني
عادي اسوأ سمعتك
اشوه شكلك قدام الناس
اقول فيكي ما ليس فيكي وحاجه منتهي قله الأصل يعني
بس المهم اني مسمعش كلام ماما
ماما أصلها دقه قديمه وكلامها اي كلام
ماما مش فاهمه ..اصل احنا اتغيرنا خالص يا لينا
بس في الواقع المؤلم دا احب اقول الآتي👇
امك دائما فاهمه احسن منك ..اتلهييي بقي واسمع مني
امك دائما عارفه صاحبتك السو ..وصاحبك بتاع مصلحته والبني القذر من وسط الف بني ادم
امك دائما عارفه تنقذك أمتي ..وحاسه بيك وحاسه أمتي ممكن لا قدر الله تحس بالخ….طر وامتي تجري عليك وتسحبك من ايدك لو لزم الأمر
امك هي جيشك الوحيد
امك هي الحد اللي فاهم من زمان بس سيباك تجرب
وابوك هو الدفاع الاخير عندك
ابوك هو اللي ليعيش التجربه بدالك وبقولك آخرها ايه بس انت اللي بتحب تجرب
عشان كدا
يا جماعه اسمعوا كلام اهاليكوا
واه بالمناسبه
مفيش صحوبيه مابين ولد وبنت
ولا راجل وست
لأن النهايه اهي ..سمعه باظت واستغلال حاصل وبنت راحت في غمضه عين
فارجوكوا بقي مره واحده اعترفوا أن في حد بيفهم اكتر منكوا ممكن ؟
وشكرا
والسلام عليكم ورحمه الله وبركاته
🤣🤣
