ممثله جميله قالت من يومين ان بنتها هي الي بتشيل همها وانها لو شايفاها تعبانه بتجري عليها ىتحس بيها ولو البنت مثلا عاوزه نعيط بتكبت مشاعرها عشان ماما متزعلش

علاقه حلوه بين ام وبنتها وهنا مش هنتكلم عنها شخصيا هي اكيد في حاجه حلوه تقصدها من ورا كلامها عن بنتها

الطبيعي اننا كامهات نسمع لعيالنا

نسمح لعيالنا انهم يتكلموا

ويعيروا عن اللي جواهم

عن مشاعرهم وافكارهم

ونساعدهم طول الوقت في اتخاذ قراراتهم بس منفرضهاش عليهم .

في عالم اسمه جون ادلرقال ان الاطفال طول الوقت بيتخدوا قرارت ليها علاقه بحياتهم وبيحصلهم تكوين صوره ذاتيه عن نفسهم اغلبها بتكون من راي اللي بيربوهم فيهم اللي هما الابوين

فلما تلاقي طفله بتكبت مشاعرها دا معناه ان في مبالغه في رد الفعل من الام فهي قررت تسكت عشان متزعلهاش ولا تدخل في سين وجيم

او تلاقي طفل بيكذب دا معناه ان في عقاب شديد من الاهل في حاله الصراحه فهو قرر يحمي نفسه بالكدب

او المصيبه بقي تلاقي طفل بيمكر وبيتخابث بشده

دا معناه انه لاقي طريقه يتغير بيها عشان يعمل اللي هو عاوزه من غير ماتمسك عليه غلطه للنه غالبا بيتقابل بالرفض لكل حاجه

كل اللي فات دا سلوكيات تكيفيه من الاولاد تساعدهم يعيشوا زي الابوين ما عاوزين لانهم ميقدروش يتمردوا ع الاقل دلوقتي

بيعملوها باحترافيه عاليه

ودا راجع لتربيه غلط وفيها مشاكل ومفاهيم غلط

ساعدوا ولادكوا انهم يخرجوا اللي جواهم وصاحبوهم

ونشفوا دموعهم لما يبكوا

شيل هم ابنك

متشيلش ابنك الهم

ارجوك انت المسئول تطلع شخص سوي مهما كانت ظروف تربيتك قاسيه

اكسر انت الدايره وساعده يطلع احسن مافيه وميخافش منك ..

وساعده يعبر عن اللي حاسه عشان الكبت بيعمل مشاكل في الكبر امت في غني عنها واول حد بيدفع فاتورتها

#حس_بابنك

#التربيه_فرض

#ابنك_علي_ما_تربيه